Viel Spass beim Nachlesen, was, wo und wie passiert! Immer auf dem aktuellen Stand, wo sich die Truubestampfer rumtreiben. 

Mir sind bereits i di neui Saison gstartet. Am 2. Januar sind mir a dä Bächtele in Rafz gsi und händ euses neue Jubigwändli präsentiert. Trotz Wind und Rege simmer de Umzug gloffe und händ aschlüssend am Monsterkonzert gspielt. Später hämmer na en Uftritt im TV Chäller und im Restaurant Sterne gha. 

Jetzt werdet mir na drü mal Probe bevor mir id Fasnacht startet. 

Fasnachtsfahrplan

So ez isch au die Saison scho wieder verbi! Viele Dank allnä eusä treue Zuschauer und Zuhörer. Und au es danke allnä Helfer, Unterstützer vo eus. Mir gönned eus jetzt ä Pause bevormer im Spotsummer wieder mit Probe afanged für die nögst geniali Saison. Und wär jetzt Gluscht becho hät, dörf sich gern meldä oder eifach mol inere Prob verbicho.

Mer gseht oder ghört sich spötistens am 11.11 wieder

Eui Trüübis

Also nomol Glück gha mitem Wetter chamä do sägä.  Am Samstig hemmer zwor zThaynge am Umzug mössä am Rägä trotzä, aber zObig isches dänn däfür tröchner zgsi am Maskeball zMarthalä. Am Sunntig isch leider s'Fasnachtsfüür verschobä wordä. Mol luege obbs dänn klappt. Und am Fasnachtsmäntig isch gnau für dä Chinderumzug z'Sunnä fürecho. Jetzt schnuufed mir churz durrä und dänn startet mir abem Fritig au scho wieder is letztä Weekend! Am Fritig spielemer am 8i zobig am Jubiläum vo dä Andölfia. Am Samstig hemmer folgendi Uftriitsziitä a dä Fasnacht z'Andelfingä.

• 17.40-18.00 Uhr
• 20.40-21.00 Uhr

• 22.40-23.00 Uhr

Am Sunntig stoht für eus dänn no dä Umzug Andelfingä ah. Am Obig simmr dänn nomol z'Marthalä am Fasnachtsfüür, bevor eusi Saison langsam z'Endi goht. Mir hoffed nomol vieli bekannti Gsichter zgseh.

Bis bald!

Und wieder liet äs Wuchenend hinder üs. Di'Trüübis händ au Bassersdorf grodkt. Es isch genial gsi die viele Lüüt am Strossrand bim grosse Umzug am Sunntig bi d$m schönä Wätter.

Nögst Weekend gohts für eus wieter am Samstig mitem Umzug Thayngä und zobig am 11i simmer am Maskebaball z'Marthalä aztreffä. Am Sunntig gohts d$nn wieter mitem Umzug Marthalä und zobig mitem Fasnachtsfüür. Am Mäntig dänn stoht dänn no dä Umzug in Flaach ah. Mir freued eus bekannti Gsichter zgseh. Bis bald!

Und bereits isch s'Weekend in Schaffhusä scho durä! Viele Dank dä treue Zuhörer wo bis zum spotä Endi i dä Nacht mit eus duregheb$d händ und üs unterstützt händ!:)

Nögst Wucheend gohts für eus mit dä Fasnacht in Bassersdiorf wieter!

Bereits isch üsi ChInderfasnacht 2019 wieder Gschicht. Bi traumhaftem Wetter händ wieder viel Chind dä Wäg zu eus gfundä. Viele Dank nomol allnä Elterä,Grosseltere usw. fürs kostümierä vo dä Chind. So macht Fasnacht au eus Spass wänn sogar die chllinstä so Freud händ a dä Fasnacht.

Für eus gohts nögst Samstig 23.02 wieter mit dä Fasnacht in Schaffhussä. Umzugsstart isch 15.00 Uhr.

Mir sind au zobig z'Schaffhussö undrwägs und das sind eusi Ufrtittsziitä:

• 19.15 Uhr St.Johann- Rhy Gusler
• 21.15 Uhr Fronwagenplatz- Bölle Frässer
• 23.45 Uhr St.Johann - Rhy Gusler
• 00.30 Uhr Rest. Hardereck

Mir würed eus freue s'eint oder ander bekannti Gsicht zgseh!

Probeweekend 8. + 9. Oktober 2016

Das Probeweekend am 8. + 9. Oktober 2016 haben wir erfolgreich überstanden! Dieses Jahr haben wir nur zwei neue Stücke die wir einüben, somit haben wir uns am Wochenende viel Zeit für die Überarbeitung der alten Lieder genommen. Ihr dürft gespannt sein, ob vielleicht ein euch schon länger bekanntes Lied demnächst ein wenig aufgepeppt klingt? Zudem haben wir auch mit Unterstützung von Daniel an der Technik gefeilt und fleissig geübt. An dieser Stelle noch einen ganz grossen herzlichen Dank an unseren schon fast jährlichen Begleiter Daniel, der uns immer eine wahnsinnig grosse Hilfe ist! Und auch ein riesiges Dankeschön an Reto, welcher in diesem Jahr das erste Mal dabei war, um unser Sousaphon zu unterstützen und mit Rat und Tat zur Seite zu stehen. DANKE! Und natürlich ein grosses Danke an unsere Musikleiterin Tanja, die sich mit viel Geduld vor uns stellt, und auch an die Organisationscrew von diesem Jahr, und natürlich danke an alle Trüübis die dabei waren :-)

Saison 2016

Agfange hämmer s 2016 wie immer mit de Bächtele Rafz. Mir hend eus au würkli Müeh gäh, dass mir de Umzug nid abchürze tüend und ufem Hiiweg kei Tierli in Mitleideschaft ziehnd..... A dere Stell: RIP Pino!

Witer gmacht hämmer mit eusem Platzkonzert z Obernüüfere amene Fritigobig. Es herzlichs Dankeschön a alli Zueschauer wo verbi cho sind und eus zuegloset händ! Es freut eus immer wieder, wenn mir es paar alti, bekannti Gsichter gsehnd.

Am Samstig simmer denn scho ufgwärmt gsi vom Platzkonzert und händ am Maskeball Flaach alles chöne gäh! Miteme super Uftritt hämmer zum Glück au eusi Musigleiteri chöne begeistere. De Maskeball Flaach isch wie immer es Highlight gsi und am Morge am 6i händ au di letschte de Heiweg gfunde vo eus. Sie hettet jo eigentlich au chöne bliebe und helfe ufruume, aber s Bett hät halt irgendwenn doch grüeft...

S Wucheend druf simmer a de Fasnacht z Schaffhuuse gsi, nachdem mir am Morge zerscht no alles vorbereitet händ für eusi eigeti Kinderfasnacht am Sunntig. Wos  denn so richtig schön gregnet hät, hemmer z Schaffhuuse no euse Uftritt gmacht, und willmer ja eh scho nass gsi sind, hämmer au di andere Guggene chlige agfüüret bi ihrne Uftritt. Mer händ denn au no Bekanntschaft gschlosse zu de Gugge Tonschiisser us Schliern. Wer weiss, öbs eus nöchst Jahr nid uf Bern zieht?

Am Sunntig häts natürlich immerna us allne Löcher gschiffet, so dass mir eusi  Umzugsroute a de Kinderfasnacht abkürzt händ, damit d Chind und ihri Eltere möglichst schnell wieder händ chöne is trochne gah. Es isch immer wieder schön, z gseh, wie viel Müeh sich d Chind und ihri Eltere uf sich nehmed, um sich für d Kinderfasnacht z verkleide.

De Umzug in Sirnach isch wie immer super schön und wie jedes Jahr mit hammer Wetter gsegnet gsi. Nachem verregnete Schaffhuuse simmer darüber sehr dankbar gsi! Am Abig simmer uf Wil SG und händ deht no en Uftritt und es Monsterkonzert gha. Ufgrund Schwangerschafte, bereits vorhandene Chinde, Arbetsstellene, Ferie & co. simmer i eusere Chliformation underwegs gsi. Au am Sunntig hämmer eus mit wenig Lüüt dur Frauefeld kämpft und händ bi dem schöne Umzug euses beschte gäh. De Uftritt i de Halle hämmer leider müese absäge, nachem Bergpriis dur Frauefeld wäred würklich nüme viel Tön us eus use cho.

Z Ossinge simmer am Samstig denn rechtzitig itroffe, nid dasmer wiedermal z spat chemtet...zwüschet Ossinge und Marthale simmer au das Jahr is super feine Restaurant Truube z Ruedelfinge go ässe gange. Mir freued eus immer sehr uf die Zwüschestation, zum eusi Büüch go fülle! Denn simmer witer an Maskeball Marthale und hend deht no en Uftritt gha. Di einte händ zwar chli Kämpf gfüehrt mit ihrere Trompete, anderi händ dä Turbo dine gha und nomal anderi händ us de letschte Löcher pfiffe, aber solang d Musigleiteri am Schluss strahled, isch alles guet gange. Am Mäntig simmer denn no z Flaach ad Fasnacht und händ dehte nomal euse Asatz trainiert fürs letschte Wucheend.

A eusem letschte Wucheend simmer denn z Henggart de Umzug gloffe und händ no en chline Uftritt gäh. Leider simmer au da inere Chliformation underwegs gsi. Am Abig für de Umzug und Uftritt in Andelfinge händ denn zum Glück doch es paar Lüüt meh chöne cho. Und so hemmer eus wie immer sehr uf eusi Uftritt in Andelfinge gfreut! Au wenns a dem Abig gregnet und gwindet gha hät wie blöd, hemmers trotzdem super gha. Am Sunntig hämmer denn wiedermal en Bergpriis dur Andelfinge gmacht - s Wetter isch so de hammer gsi, dass eus das aber gar nid so gross gstört hät. Bim Uftritt am Monsterkonzert uf de Chilestäge hends denn alli Guggene zeme würkli gschafft, eusi Musigleiteri zumene Tränli z rüehre. Herzlichi Gratulation, Spectaculus, Andölfia, Chrottepösche und natürlich de Trüübis!

Miteme allerletschte Uftritt für die Saison hämmer dann uf de Bühni z Andelfinge abgschlosse. Es riese dankeschön a alli Trüübis, natürlich bsundrigs a eusi Musigleiterin und au a eusen Präsi! Und natürlich nid z vergesse, allne eusne Zuehörer und Fans! DANKE!

Programm 2016

22.01.2016 - Platzkonzert in Oberneunforn (Vor dem Gmeindshuus bei der Posthaltestelle)

23.01.2016 - Maskenball Flaach

30.01.2016 - Fasnacht Schaffhausen

31.01.2016 - Kinderfasnacht in Oberneunforn. Motto: Welt der Tiere

06.02.2016 - Umzug Sirnach und Fasnacht Wil SG

07.02.2016 - Umzug Frauenfeld

13.02.2016 - Umzug Ossingen und Maskenball Marthalen

14.02.2016 - Umzug Marthalen und Fasnachtsfeuer Marthalen

15.02.2016 - Umzug Flaach

20.02.2016 - Umzug Henggart und Fasnacht Andelfingen

21.02.2016 - Umzug Andelfingen

Probeweekend 17. + 18.10.2015

Wiedermal hemmer es super Probewucheend dörfe ha. Danke für de Isatz vo allen und natürlich spezielle Dank an Daniel für sini wertvolli Understützig und sini Geduld!

Saison 2015 - Iitrag vom 26.01.

Agfange hemmer s 2015 mit de Bächtele Rafz. En ereignisriiche Tag mit vielne Erlebnis: de Pino überfahre, de Umzug liecht abkürzt, d Turnhalle grockt und eus vo Bank zu Bank tanzt.

Witer gange isches mit eusem Neujahrskonzert, wo mer wie jedes Jahr eusi Zueschauer mit Glüehwii, Chueche und es paar Lieder beglücket. Viele Dank a alli wo cho zueluege sind. De Tag druf simmer de Umzug und d Bergwanderig z Uehwise gloffe, isch en super Umzug gsi mit wahnsinnig viele tolle Lüüt am Strasserand. Am Mäntigabig hemmer anstatt Prob d Bächtelisnacht Frauefeld gnosse mit es paarne Uftritt und hend d Souvenirsammli vo einzelne Mitglieder wiedermal vergrösseret. Danke au a alli wo usserordentlich igsprunge sind zum eusi Gugge z vergrössere! ;-)

Das Wucheend hemmer am Maskeball Flaach grockt. Obwohl mir scho am 9i uftrete sind isch s Publikum de Hammer gsi. Danke a alli wo mitgfäschtet hend.

Probeweekend, 11. + 12.10.2014

Eimal meh isch es hammermässigs Probeweekend verbi. Dä gröschti Dank gilt em Bruno sim Mami für s Esse, de Tanja für ihren Isatz bim Prob leite und natürlich em Daniel für die super genial Unterstützig!

Maskenball Flaach, 22.02.2014

Herzlichen Dank an die Guggenmusik Spectaculus für die Einladung zum Maskenball Flaach. Wie jedes Jahr ein grandioses Fest! Wir haben die Bühne gerockt und freuen uns bereits auf 2015! Einen Teil unseres Auftritts findet ihr auf Youtube - herzlichen Dank fürs Filmen!!

12. + 13. Oktober 2013  

Wir blicken zurück auf zwei Tage Probeweekend! Viel Proben, Spass, Speis, Trank und Löffeli suchen liegen hinter uns. Vielen Dank an Daniel für die grossartige Hilfe! Und falls jemand den Löffel findet, werft ihn Roy an den Kopf.

19. August 2013

Am 19. August 2013 hatten wir unsere Neumitglieder-Probe. Es freut uns sehr, dass wir eine Zuschauerin begeistern konnten und heissen Katja herzlich Willkommen bei den Trüübis!

04. + 05.05.2013

Wir haben unseren Vereinsausflug im Europa-Park gut überstanden! Wir können auf zwei tolle Tage auf den Bahnen in Rust zurückblicken.